Сэтинньи 15 күнүгэр
05:22 17.11.2025 16+
Сэтинньи 15 күнүгэр
Халбаакы нэһилиэгэр түөлбэлэр икки ардыларыгар «Идэһэ күрэҕэ" үрдүк таһымнаахтык буолан ааста. Бу күрэҕи нэҺилиэк «Тускул» норуот айымньытын дьиэтэ уонна олохтоох дьаһалта ыыттылар.
Күрэх сүрүн сыала-соруга: сиэри-туому тутуһуу,дьону-сэргэни кыстык этэҥҥэ ааһарыгар арчылааһын, нэһилиэккэ саха итэҕэлин сөргүтүү, өбүгэлэрбит үгэстэрин тарҕатыы.
4 түһүмэхтэринэн ыытылынна:
- түргэнник охторуу;
- ыраастык сүлээһин;
- ис ырытааһын;
- таҥкыччаҕын ыраастааһын, ыраастык туттуу.
Бу бэртээхэй тэрээһин туһунан сиһилии нэһилиэк баһылыга Алексей Васильев кэпсиир: «Халбаакы» ПК түөрт сүөһүтүн уонна КФХ «Эркин» Павлов Гаврил Семенович биир сүөһүтүн тутуннубут.
Халбаакы биэс түөлбэтин дьоно кыттыыны ыллылар.
Түмүккэ бастакы миэстэни «Тоһуу" түөлбэ, иккис миэстэни «Алаһа" түөлбэ, үһүс миэстэни «Төрүт" түөлбэ ыллылар. «Саһарҕа" уонна «Быһыттаах уоттара» түөлбэлэр көхтөөх кыттыыны ыллылар.
Кыттааччылары,көрөөччүлэри «Тускул» норуот айымньытын дьиэтин үлэһиттэрэ итии миининэн, алаадьынан күндүлээтилэр.
Кыттааччылар сыаналаах бириистэринэн наҕараадаланнылар, анал аат кыайыылаахтара спонсордар туруорбут бэлэхтэрин туттулар.
Спонсордар: урбаанньыттар Самсонов А.М., Павлов Г.С., Халбаакы нэһилиэгин баһылыгын солбуйааччыта Уварова В.В., «Тускул» НАДь салайааччыта, Гринвей экологическай компания Лидера Эверстова Е.А., «Тускул» НАДь уус-уран салайааччыта, норуот эмчитэ Верховцева Т.П.
Бары тэрийээччилэргэ, ПК «Халбаакы» салайааччытыгар Протопопов В.Р. уонна үлэһиттэригэр, КФХ «Эркин» салайааччытыгар Павлов Г.С., спонсордарга, жюриларга, кыттааччыларга, көрөөччүлэргэ махтанабыт".
#ВилюйскийУлус
#ХалбакинскийНаслег
Оставить сообщение: