Бүлүү куоратыгар хаарбах дьиэлэри көтүрэр үлэ күүскэ ыытыллар
07:36 23.05.2024 16+
Бүлүү куоратыгар хаарбах дьиэлэри көтүрэр үлэ күүскэ ыытыллар.
Бүлүү куорат дьаһалтата хаарбах дьиэлэри көтүрэр үлэҕэ улахан болҕомто ууран, куорат бюджетыттан үп-харчы көрөннөр, ааспыт нэдиэлэҕэ Харлампьева уонна Тартыева уулуссаларга турбут 3 хаарбах дьиэни подрядчиктар көтүрэннэр, үлэлэрин түмүктээбиттэрэ.
Онтон күн бүгүн Мира уулуссаҕа турар, урукку кэмҥэ таҥара дьиэтэ диэн тутуллубут, онтон өр сылларга почта дьиэтэ буолан турбут дьиэ көтүрээһинин үлэтэ саҕаланна. Бу дьиэ былырыын сайын баһаарга былдьанан, улуус уонна куорат дьаһалтата хамыыһыйа тэрийэннэр, көтүрэргэ быһаары ылбыттара.
Оставить сообщение: