Сааскы сайа5ас күн кулун тутар 6 күнүгэр үгэскэ кубулуйбут Бүлүү улууһун уопсастыбаннай түмсүүлэрин сыллааҕы үлэтин түмүктүүр УОПСАСТЫБАННАЙ ТҮМСҮҮЛЭР МОДУН КҮҮС!
01:13 08.03.2024 16+
Сааскы сайа5ас күн кулун тутар 6 күнүгэр үгэскэ кубулуйбут Бүлүү улууһун уопсастыбаннай түмсүүлэрин сыллааҕы үлэтин түмүктүүр «УОПСАСТЫБАННАЙ ТҮМСҮҮЛЭР – МОДУН КҮҮС!» 11-с төгүлүн ыытыллар үөрүүлээх тэрээһин Бүлүү куоракка бэрт сэргэхтик, өрө көтө5үллүүлээхтик буолан ааста.
Туохха да ымыттыбат буолуу, най барыы биирдиилээн киһиэхэ эрэ буолбакка, бүтүн норуот, регион, дойду инники сайдыытыгар улахан охсуулаах. Ханна уопсастыбаннас көхтөөх сиригэр, оло-дьаһах туруктаах буолар.
Бүлүү улууһун уопсастыбаннай түмсүүлэрэ улууска, өрөспүүбүлүкэҕэ бары тэрээһиннэргэ барытыгар көхтөөтүк кыттыыны ылаллар. Билиҥҥи уустук балаһыанньаны сөптөөхтүк өйдөөн, саамай кэмигэр олус наадалаах, туһалаах өйөбүл диэн санаанан салайтаран Бүлүү улууһун уопсастыбаннай түмсүүлэрэ быстах байыаннай дьайыыга сылдьар биир дойдулаахтарбытыгар көмөлөрө үгүс.
Тэрээьин кыттыылаахтарыгар, ыалдьыттарыгар Урааҥхай саха үтүө үгэһинэн
Айыылартан ааттаһан, арчылыыр, араҥаччылыыр Айыы алгыһын түһэрдэ саха эмчитэ Федот Петрович Иванов. Сахалыы сиэринэн оьуор утумун оьуохайы тарта Оһуохайдьыт Александр Иванов – Уол Сомоҕо.
Дьоһун-мааны түһүлгэ торжественнай чааьыгар уопсастыбаннай түмсүүлэринэн араас хайысхалаах балысхан үлэ барбытын туһунан иһитиннэриини онордо бу бырайыак ааптара, Бүлүү улууһун уопсастыбаннай түмсүүлэрин салайааччыта, өрөспүүбүлүкэтээҕи “Утум” уопсастыбаннай тэрилтэ Бүлүүтээҕи салаатын дириэктэрэ, Бүлүү куоратын Бочуоттаах олохтооҕо Мария Петровна Томская. Бүлүү улууһун салалтатын аатыттан баһылык бастакы солбуйааччыта Иван Евсеев, Оройуон Сэбиэтин бэрэссэдээтэлэ Гаврил Корякин, Бүлүү куорат бабылыга Ян Попов, Ил Тумэн Судаарыстыбаннай мунньах депутата Александр Гоголев аатыттан, нэьилиэк баьылыктара, тэрилтэ салайааччылара э5эрдэ тыллары эттилэр, махтал суруктары туттардылар. Россия Президеныгар кандидат В. Путины өйүүр норуодунай штаб аатыттан эстрада ырыаһыта, Саха сирин күүстээх куолаһа ЛЭГЭНТЭЙ Бүлүү улууһун уопсастыбаннай түмсүүлэр актыыбынай чилиэттэригэр, Далбар Хотуттарыгар анаан-минээн бэйэтин ырыаларын бэлэх уунна.
Түмүккэ бу аныгы үйэ дьоруойдарын кэмигэр сыаналыырга, дьон олоҕор суолталаах быһыыны-майгыны оҥорбут үтүө санаалаах уопсастыбаннай түмсүүлэри, волонтердары, Бүлүүбүт улууһун сайдыытыгар боччумнаах кылааттарын киллэрбит, бэйэлэрин сыһыаннарынан, көрүүлэринэн, холобурдарынан, өйдөрүнэн-санааларынан дьоҥҥо-сэргэҕэ төһүү күүс, үтүө холобур буолбут биир дойдулаахтарбытыгар 2023 сыл түмүгүнэн Бүлүү улууһун уопсастыбаннай түмсүүлэргэ сыл бастыҥнарын бэлиэтээтилэр.
Ол курдук,
Бүлүү улууһун баһылыгын С.Н. Винокуров анал номинацияларын туттулар:
“СЫЛ БАСТЫҤ ТҮМСҮҮТЭ” анал аат туттарылынна “Сурэхпит ба5атынан” түмсүүгэ, сал. Жиркова Ирина Николаевна, Баппа5аайы нэһилиэгэ.
“АМАРАХ САНААЛААХ ТҮМСҮҮ” анал аат туттарылынна “ЧЭБДИГИРИИ” түмсүүгэ, салайааччы Васильева Вера Севастьяновна.
«ҮРҮҤ КӨМҮС ВОЛОНТЕРДАР” анал аат туттарылынна “УТУМ СИТИМЭ” түмсүүгэ, салайааччы Петрова Зинаида Егоровна, Чочу нэһилиэгэ.
Бүлүү куорат түмсүүлэрэ маннык анал номинациялары ыллылар. Номинациялары баьылык Ян Попов туттарда:
“СЫЛ БАСТЫҤ ТҮМСҮҮТЭ” – “Ыллык” түмсүү, салайааччы Николаев Владимир Спиридонович;
“АМАРАХ САНААЛААХ ТҮМСҮҮ” - “АЛАҺА ТҮМСҮҮ”, салайааччы Алексеева Екатерина Герасимовна.
«ҮРҮҤ КӨМҮС ВОЛОНТЕРДАР” – “Оһуор”, салайааччы Каратаева Галина Николаевна.
РОО “УТУМ” аатыттан анал номинациялары Мария Томская:
“СЫЛ БАСТЫҤ ТҮМСҮҮТЭ” анал аат туттарылынна “КҮБЭЙЭ” түмсүүгэ, сал. Поскачина Акулина Кирилловна, Тааһаҕар нэһилиэгэ.
“АМАРАХ САНААЛААХ ТҮМСҮҮ” - “ДЬҮӨГЭ” түмсүү, салайааччы Иванова Оксана Мартыновна, 1 Күүлэт МТ.
«ТАЛБА ТАЛААННААХ ТҮМСҮҮ” анал аат туттарылынна ҮГҮЛЭЭТ “КҮБЭЙЭ” түмсүүтүгэр, салайааччы Афанасьева Парасковья Дмитриевна
Оставить сообщение: